Unha das novidades máis importantes nesta nova edición serán os prazos de inscrición. Para os corredores dos Circuítos 10K, 3K Contra o Cancro e Circuíto de Categorías Base o prazo de inscrición pechará o luns día 2 de marzo ás 23:59h. O prazo de formación de equipos tamén vencerá o luns día 2 de marzo ás 23:59h.
O prezo para a inscrición nos Circuítos 10K e 3K Contra o Cancro será de 35€+chip no suposto de non posuílo.
Os participantes de Carreira nestas probas terán ata o mércores anterior á proba ás 23:59h e correrán con chip no dorsal. Neste suposto hai 2 prazos de inscrición ata luns anterior á proba ás 23:59h 8€+1€ de chip e ata mércores anterior á proba ás 23:59h 11€+1€ do chip.
CATEGORÍAS BASE: para participar no circuíto das diferentes categorías, excepto pitufos (que non teñen a posibilidade de participar en circuíto), inscribirse no circuíto será gratuíto.
Os prazos de inscrición serán os mesmos que para adultos, Circuíto ata luns día 2 de marzo ás 23:59 e para participante de Carreira, mércores ás 23:59h, estes correrán con chip no dorsal.
A organización tomou a decisión de incorporar novos xeitos de participación nas probas 10k e 3k Contra o Cancro:
Na VII edición permitirase que todos/as os/as interesados/as podan competir nas carreiras 3K (categoría absoluta) e 10K (categorías sénior, M40 e M50), ben como corredores/as de Circuíto ou ben como corredores/as de carreira.
Para poder facelo deberán inscribirse en ámbolos dous Circuítos ou carreiras.
(Suposto 1) ATLETA QUE SE INSCRIBE NOS DOUS CIRCUÍTOS: No caso de que un atleta se inscriba nos dous Circuítos correrá co mesmo dorsal e chip en ámbolos dous.
(Suposto 2) ATLETA QUE SE INSCRIBE NUN CIRCUÍTO E NUNHA CARREIRA: No caso de inscribirse como corredor de Circuíto nun deles e como corredor de carreira no outro, terá un dorsal e chip de circuíto e ademais un dorsal e chip de carreira que deberá recoller na carreira en cuestión.
(Suposto 3) ATLETA QUE SE INSCRIBE NA PROBA 3K E NA PROBA 10K NUN CONCELLO DETERMINADO: No caso de que un/unha corredor/a que non está inscrito/a en Circuíto e queira correr as carreiras 3K e 10K dun determinado concello tamén poderá facelo. Neste suposto deberá facelo cun dorsal e chip distinto para cada unha delas.
En calquera dos supostos anteriores o/a atleta recibirá unha única camiseta conmemorativa.
O circuíto este ano contará con Terio Carrera como speaker, e queremos aproveitar para agradecer publicamente a Jesús Silva a súa implicación no mesmo, durante estes catro anos, tanto como speaker, como xuíz árbitro das diferentes carreiras do circuíto, nas que fixera as dúas funcións e así llo transmitimos aos responsables da F.G. Atletismo e a el mesmo, solicitando a posibilidade de que el fose o xuíz árbitro de todas as probas do circuíto 2020, agardamos que poda darse esta situación.