Temas de axuda

1. Pulseira de check-in:
   • As/os atletas que acrediten o certificado de vacinación COVID ou o certificado de ter realizado un test de antíxenos ou PCR negativa recibirán unha pulseira identificativa que deberán colocar no pulso. Sen esta pulseira non se poderá aceder á cámara de chamadas nin á zona de saída.

2. Carreiras 3K:
   • Nas carreiras 3K farase cámara de chamadas para as categorías infantil, cadete, xuvenil e absoluta coa finalidade de controlar o aceso á zona de saída das persoas que acreditaron o certificado de vacinación ou de ter realizado o test de antíxenos ou PCR.
   • A cámara de chamadas abrirase 30 minutos antes do inicio da carreira e para poder aceder á zona de saída será imprescindible levar no pulso a pulseira identificativa e o dorsal colocado en lugar visible (parte dianteira do torso). Sen eles non se permitirá o aceso á zona de saída.
   • Unha vez pechada a cámara de chamadas ningún atleta poderá aceder á zona de saída.
   • Coa finalidade de evitar aglomeracións na zona onde se coloque a “liña de retirada da máscara” faranse saídas por grupos do seguinte xeito:
     • Saída masculina absoluta.
     • Saída feminina absoluta.
     • Saída categorías base (infantil, cadete e xuvenil).

3. Carreiras 10K:
   • Nas carreiras 10K farase cámara de chamadas para as categorías sénior e veteranos coa finalidade de controlar o aceso á zona de saída das persoas que acreditaron o certificado de vacinación ou de ter realizado o test de antíxenos ou PCR.
   • A cámara de chamadas abrirase 30 minutos antes do inicio da carreira e para poder aceder á zona de saída será imprescindible levar no pulso a pulseira identificativa. Sen ela non se permite o aceso á zona de saída.
   • Unha vez pechada a cámara de chamadas ningún atleta poderá aceder á zona de saída.
   • Coa finalidade de evitar aglomeracións na zona onde se coloque a “liña de retirada da máscara” faranse saídas por grupos do seguinte xeito:
     • Saída masculina.
     • Saída feminina.
     • No caso de que haxa participación de atletas en cadeira de rodas, farase unha saída previa, específica para eles.

1. Categorías infantil, cadete, xuvenil, sénior e veterano:
   • A recollida será persoal e non poderán facela terceiras persoas.
   • Para a recollida de dorsal, chip e camiseta nestas categorías deberán amosar a seguinte documentación:
     • Certificado europeo de vacinación COVID. No caso de corredores de circuíto vacinado só terán que presentar o certificado de vacinación na primeira carreira que participen.
     • No caso de non estar vacinado deberá presentar o certificado da realización dun test de antíxenos ou PCR negativo cunha antelación máxima de 72h á celebración da proba. No caso de corredores de circuíto será preciso que presenten dito certificado en cada unha das carreiras nas que participen.
     • DNI.
     • As/os atletas menores de idade deberán entregar ademais a autorización de participación debidamente cuberta e asinada pola nai, pai ou titor legal. (Enlace de descarga)

2. Categorías pitufo, benxamín e alevín:
   • A recollida será persoal e só poderá facela o interesado ou a nai/pai ou titor legal.
   • Non será preciso que acrediten estar vacinados nin test de antíxenos ou PCR xa que deberán correr con máscara.
   • As/os atletas menores de idade deberán entregar a autorización de participación debidamente cuberta e asinada pola nai, pai ou titor legal. (Enlace de descarga)

1. Categorías infantil, cadete, xuvenil, sénior e veterano:
   • Deberán levar a máscara posta dende a saída ata a “liña de retirada da máscara”
   • Unha vez superada a “liña de retirada da máscara” poderán quitala e gardala (está prohibido tirala).
   • Unha vez que cheguen á meta deberán volver a colocar a máscara que lle entregue o persoal da organización ou a súa propia.

2. Categorías pitufo, benxamín e alevín:
   • Deberán correr coa máscara posta en todo momento.

Todos os resultados dispoñibles neste evento estarán no apartado resultados diferenciados por edción. Búscate no ano correspondente por apelidos e accede a túa ficha de tempos, diploma, videochegafa, etc.